موظفين استعلام بنكى
الشغل بيكون فورمال السن 21 : 30
عدد ساعات العمل 8 ساعات ويومان اجازه في الاسبوع لا يقل المؤهل عن المتوسط يشترط حسن المظهر واللباقه
خليك فاكر النصايح دى
1- ماتراسلش الشركة الجديدة من ايميل الشركة القديمة لان دا بيعطى انطباع بعدم الامانة.
2- ايميلك يكون باسمك مش اسم دلعك زى كوكو و لولو و الهبل دا.
3- . تكون فورمال و مهندم جزمتك متلمعه و لبسك مكوى.
4- ضوافرك تكون نضيفه و مقصوصة شعرك متظبط و البرفان بلاش يكون نفاذ.
5- تاخد معاك صور من سيرتك الذاتية و يا حبذا لو تاخد معاك شهادات الكورسات اللى انت كاتبها فى السيرة.
6- اعرف معلومات عن الشركة اللى انت رايحلها و عم جوجل موجود.
7- ما تلبخش نفسك بشيل كتير شهادتك و سيرتك الذاتية وقلمك فى شنطة شيك و خلاص.
8- حاول تفتكر مواقف قابلتك فى اشغالك و ازاى اتغلبت عليها لانه بيكون سؤال فى المقابلة.
9-تعمل حسابك توصل قبل معادك بحوالى ربع ساعة على الاقل.
10- مهم جداتقفل تليفونك قبل ما تدخل المقابلة.
11- ابتسامتك تكون بسيطة حتى لو المقابل انه يضحكك انت تكون ثابت على الابتسامة البسيطة الرزينة.
12- تبص فى عين الممتحن لانه دليل على ثقتك بنفسك.
13- سلم عليه بقوة من غير ما تضغط على ايده.
14-قدم نفسك و قول اسمك ببطء و وضوح.
15- تقعد كويس مش مقصوع ضهرك مفرود ايديك مرتاحة مش متشابكة و بلاش تحط رجل على رجل.
16- اياك ثم اياك ثم اياك تغلط فى الشركة اللى انت بتشتغل فيها حاليا و عاوز تسيبها.
17-خليك صريح فى كلامك و بلاش تفتى او تكدب.
18- فى نهاية المقابلة ما تنساش تشكر الممتحن.
بالتوفيق للجميع
