محاسبين للعمل بمستوصف طبى بالسعودية

محاسبين للعمل بمستوصف طبى بالسعودية 

شركة معالينا لللتوظيف تطلب محاسب للسفر و العمل بأبها بالسعودية  شرط ان يكون خبرة لا تقل عن 10 سنوات ترسل السيرة الذاتية مع كتابة المسمى الوظيفي على الايميل cvs@maalina.net اخر ميعاد للتقديم شهر من تاريخ النشر 

https://www.facebook.com/Maalina.Rec

 حمل من تحت كتاب اهم اسئلة الانترفيو للمحاسب 

قبل ما تروح اى انترفيو لاى شركة لازم تاخد بالك من الكام حاجة اللى هنقولك عليها هنا 

1- ماتراسلش الشركة الجديدة من ايميل الشركة القديمة لان دا بيعطى انطباع بعدم الامانة.

2- ايميلك يكون باسمك مش اسم دلعك .زى كوكو و لولو و الهبل دا. 

3- . تكون فورمال و مهندم جزمتك متلمعه و لبسك مكوى. 

4- ضوافرك تكون نضيفه و مقصوصة شعرك متظبط و البرفان بلاش يكون نفاذ.

5- تاخد معاك صور من سيرتك الذاتية و يا حبذا لو تاخد معاك شهادات الكورسات اللى انت كاتبها فى السيرة.

6- اعرف معلومات عن الشركة اللى انت رايحلها و عم جوجل موجود.

7- ما تلبخش نفسك بشيل كتير شهادتك و سيرتك الذاتية وقلمك فى شنطة شيك و خلاص.

8- حاول تفتكر مواقف قابلتك فى اشغالك و ازاى اتغلبت عليها لانه بيكون سؤال فى المقابلة.

9-تعمل حسابك توصل قبل معادك بحوالى ربع ساعة على الاقل.

10- مهم جدا تقفل تليفونك قبل ما تدخل المقابلة.

11- ابتسامتك تكون بسيطة حتى لو الممتحن استطرف و حاول انه يضحكك انت تكون ثابت على الابتسامة البسيطة الرزينة.

12- تبص فى عين الممتحن لانه دليل على ثقتك بنفسك.

13- سلم عليه بقوة من غير ما تضغط على ايده.

14-قدم نفسك و قول اسمك ببطء و وضوح.

15- تقعد كويس مش مقصوع ضهرك مفرود ايديك مرتاحة مش متشابكة و بلاش تحط رجل على رجل. 

16- اياك ثم اياك ثم اياك تغلط فى الشركة اللى انت بتشتغل فيها حاليا و عاوز تسيبها.

17-خليك صريح فى كلامك و بلاش تفتى او تكدب.

18- فى نهاية المقابلة ما تنساش تشكر الممتحن.

اقرا النصايح الهامة للمحاسبين حديثى التخرج و حمل من تحت كتاب اهم اسئلة الانترفيو للمحاسب و ربنا يوفق الجميع 

أولا -حاول تعيد قراية كتب النحاسبة المالية للسنة الاولى فى الجامعة و منها هتفهم التسلسل  المنطقى لعلم المحاسبة و افهم منه علاقة المستند اللى بيتسجل فيه القيد لحد ما يسمع فى الميزانية افهم محاسبة صح هتتميز عن غيرك

ثانيا - طبق دايما اللى فهمته على شركة صغيرة حل مثلا امثلة على النت امسك كتب دبلوم تجارة و حل المسائل اللى فيه او  طبق على محل صغير عشان تستوعب كل شئ

ثالثا - الكورسات مهمة جدا ليك فى بداية مشوارك كمحاسب معاك فلوس خد كورس فى مكان محترم يديك شهادة تحطها فى السيرة الذاتية بتاعتك لو مش معاك اليوتيب ماليان قنوات بتشرح كل حاجة

رابعا - اهم كورس لازم يكون معاك فى بدايتك هو الاكسيل مافيش غنى عنه لاى محاسب  و عندك اليوتيوب فى اكثر من مجال مهتمة بمجال المحاسبة عموما و الاكسيل خصوصا بعد كدة ممكن تتعمق اكتر ة تفهملك كام برنامج ERP system زى بيتش ترى و المتكامل و غيرهم كتي

خامسا - الانجليزى مهم رغم انك مش هتستخدمه كتيرفى بداياتك بس مهم لبكرة  فخليك مستعد و برضو عندك اليوتيوب فى قنوات كتير و احنا هنا بنرشحلك قناة zamericanenglish هتلاقى فيها شرح مميز و بسيط و سهل اشتغل على نفسك هتلاقى نتيجة حلوة جدا

سادسا - شغلك كمحاسب مهم جدا جدا للشركة افهم دورك صح و اعرف اهمية الادارة المالية فى الشركة

سابعا -  قبل ما تبتدى شغلك الجديد ثق فى نفسك و بص دايما لقدام  و اتعلم من اخطاء ماضيك المهنى

ثامنا -اقرا قيود اليومية فى الشركة الجديدة واتصفح المستندات المرفقة بيها هتفهم منها كتيييير جدا 

تاسعا  - حاول تستفيد من زمايلك الاقدم منك و اطلب منهم انك تساعدهم دون تطفل منك عليهم .و شوفهم بيشتغلوا ازاى 

عاشرا - افتكر دايما ان الاتطباع الاول بيدوم لازم تكون منضبط فى كل شئ فى لبسك و تعاملك المهذب و سلوكك و مواعيدك و شغلك يكون بجدية  .

حادى عشر - وقت فراغك على النت طور نفسك و بلاش قعدة كتير على مواقع التواصل الاجتماعى 

ثانى عشر  - ركز فى شغلك كويس لان الغلطة فى الحسابات بفورة بلاش استهتار و بلاش تشتيت بالموبايل او بغيره 

ثالث عشر - افتكر دايما انه لا محاسبة بدون مستند مستوفى الشروط 

١)  سند صرف مستوفي الشروط والمستندات المؤيدة

٢)  سند قبض مستوفي الشروط والمستندات المؤيدة

٣)  فاتورة شراء سليمة 

٤)  فاتورة بيع

٥) اعتماد مكتوب من صاحب الصلاحية

رابع عشر - فى البداية حدد هدفك عاوز تشتغل فى مجال المحاسبة ولا مجال المراجعة  لو الاولى يبقى عليك بالشركات و لو المراجعة يبقى تشوف مكتب محاسبة محترم تتعلم فيه و يكون عنده عملاء يعنى شغال و اتدرب فيه 

حمل اسئلة الانترفيو للمحاسبين من هنا 

لو الرابط الاول مش شغال حمل من الرابط التانى من هنا 

ملف اخر مختصر و مفيد جدا من هنا 

او من هنا 

بالتوفيق للجميع